«Հրապարակ». Դեռ պատասխան չեն ստացել – Պանորամա

«Հրապարակ». Դեռ պատասխան չեն ստացել – Պանորամա



«Հրապարակ» թերթը գրում է. «Ղազախական դեպքերի օրերին ԱԺ «Հայաստան» խմբակցությունը դիմել էր պաշտպանության և անվտանգության հարցերի հանձնաժողովի նախագահ Անդրանիկ Քոչարյանին և արտաքին հարցերի հանձնաժողովի նախագահ Էդուարդ Աղաջանյանին՝ առաջարկելով հրավիրել հանձնաժողովի համատեղ նիստ՝ ՀԱՊԿ շրջանակներում ՀՀ զինված ուժերի ստորաբաժանումներ Ղազախստան ուղարկելու առնչությամբ՝ «Պաշտպանության մասին» ՀՀ օրենքի, ինչպես նաև օրենքով սահմանված այլ պահանջների կատարման ընթացքի վերաբերյալ խորհրդարանական վերահսկողություն իրականացնելու նպատակով:

Ընդդիմությունն ակնկալում էր, որ այդ նիստում կներկայացվեն այն փաստական հիմքերը, որոնց արդյունքում Հայաստանը որոշել է 100 հոգանոց զորք ուղարկել Ղազախստան, և Քոչարյանից ու Աղաջանյանից պահանջել էին ԱԺ հրավիրել պատկան գերատեսչությունների բարձրաստիճան պաշտոնյաներին, որոնք կկարողանան բացատրություններ տալ և նախկին փակ նիստերի պես չեն ասի, թե իրենք կոմպետենտ չեն, տեղյակ չեն և այլն։ Սակայն զորախումբն արդեն վերադարձել է Ղազախստանից, իսկ նիստի հետ կապված՝ մինչ օրս պատասխան չեն ստացել»։

Մանրամասները թերթի այսօրվա համարում:
 

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:





Source link