Իրանի և Ադրբեջանի սահմանին ճանապարհային կամրջի կառուցման մասին համաձայնագիր է ստորագրվել – Պանորամա

Իրանի և Ադրբեջանի սահմանին ճանապարհային կամրջի կառուցման մասին համաձայնագիր է ստորագրվել – Պանորամա



ԻԻՀ ճանապարհների և քաղաքաշինության նախարարի և նրան ուղեկցող պատվիրակության Ադրբեջան կատարած այցի երկրորդ օրը ստորագրվել է Աստարաչայ գետի վրա ճանապարհային կամուրջ կառուցելու մասին համաձայնագիրը:

ParsToday-ի փոխանցմամբ, փաստաթուղթն այսօր Բաքվում ստորագրել են Ադրբեջանի  թվային զարգացման և տրանսպորտի փոխնախարար Ռահման Հեմաթովը և ԻԻՀ ճանապարհների ու քաղաքաշինության փոխնախարար Խեյրոլլահ Խադեմին։

Այսօր Իրանի ճանապարհների և քաղաքաշինության նախարար Ռոստամ Ղասեմիի և Ադրբեջանի Հանրապետության փոխվարչապետ Շահին Մուստաֆաևի ներկայությամբ տեղի է ունեցել Աստարաչայ գետի վրա գտնվող ճանապարհային կամրջի հիմնարկեքի արարողությունը։

Ադրբեջանի փոխվարչապետ Շահին Մուստաֆաևը փաստաթղթի ստորագրման արարողության ժամանակ հայտարարել է. «Ճանապարհային կամրջի շինարարությունը կավարտվի մինչև այս տարվա վերջ»:

«Ադրբեջանի նախագահը և կառավարությունը հատուկ  նշանակություն են տալիս Իրանի  հետ հարաբերությունների ընդլայնմանը»,- հավելել է Մուստաֆաևը։

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:





Source link