Թուրքական երգիծական հանդեսի ծաղրանկարը՝ գնաճի շուրջ Էրդողանի հայտարարության վերաբերյալ – Պանորամա

Թուրքական երգիծական հանդեսի ծաղրանկարը՝ գնաճի շուրջ Էրդողանի հայտարարության վերաբերյալ – Պանորամա


Թուրքական «Uykusuz» (Անքուն) երգիծական հանդեսի այս շաբաթվա համարի շապիկին ծաղրանկար է հրապարակվել, որը վերաբերում է Թուրքիայում տիրող գնաճի վերաբերյալ երկրի նախագահ Ռեջեփ Թայիփ Էրդողանի վերջին հայտարարություններից մեկին։ Այս մասին գրում է Էրմենիհաբերը։

Շապիկին մասնավորապես գրված է․ «Էրդողանը գնաճի հետ կապված ասել է․ «Նայե՛ք Ամերկայում, Եվրոպայում տիրող աղետին։ Դարակներում ուտելու սննդամթերք չեն կարողանում գտնել։ Փառք Աստծո, Թուրքիան այդպիսի խնդիր չունի»»։

Ծաղրանկարում, սակայն, երևում է, թե ինչպես են գնումներ կատարող ամուսինները բարձր գների պատճառով զամբյուղի մեջ դնում միայն մեկ հաց և հեռանում խանութից՝ ասելով՝ «Փառք Աստծո, որ դարակները լիքն են»։

Հիշեցնենք, որ Թուրքիայի վիճակագրական ինստիտուտի տվյալների համաձայն՝ Թուրքիայում 2021 թվականի դեկտեմբեր ամսին գնաճը կազմել է 13․58 տոկոս։
 

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:





Source link