Թագուհի Թովմասյանը ֆեյսբուքյան ընկերներին հրավիրում է ԱԺ՝ գրքեր նվիրելու – Պանորամա




ԱԺ «Պատիվ ունեմ» խմբակցության պատգամավոր Թագուհի Թովմասյանը ֆեյսբուքյան ընկերներից 12-ին հրավիրել է ԱԺ գրքեր նվիրելու։ 


«Սիրելի՛ ընկերներ, այսօր ամենայն հայոց բանաստեղծի՝ ժողովրդի գրող Հովհաննես Թումանյանի ծննդյան օրն է, և պատահական չէ, որ հենց այսօր է ամենագեղեցիկ տոներից մեկը՝ գիրք նվիրելու տոնը։

Ասում են՝ գրքերը հիանալի միջոց են զրուցելու նրանց հետ, ում հետ իրական կյանքում չենք կարող։

Արդեն մի քանի օր է, ինչ խոսում ենք Թումանյանի հետ, Թումանյանի լեզվով և ևս մեկ անգամ համոզվում, թե ինչքան անծայր է նրա իմաստությունն և թե ինչքան արդի՝ մեր այս օրերում։

Շնորհակալ եմ բոլորիդ՝ ակտիվ մասնակցության, հիանալի մտքերի և գործերի հիշատակման համար։ Ինպես և խոստացել էի, պատահականության սկզբունքով ընտրել եմ ոչ թե 5, ինչպես նախօրոք հրապարակված էր, այլ 12 օգտատերերի, ում կնվիրեմ գրքեր՝ իմ մակագրությամբ։

Դե ինչ, շնորհավորում եմ բոլորիդ և փետրվարի 21-ին՝ ժամը 15։00-ին, սպասում Ազգային Ժողովի շենքում:

Շատ կարդացեք, այս դժվար ժամանակներում մենք գիտելիքի ուժով միայն կարող ենք հաղթել»,-ֆեյսբուքյան իր էջում գրել է նա։






Source link